Me disa nga sjelljet e tyre, prindërit në mënyrë të pavetëdijshme kontribuojnë që fëmija të bëhet kokëfortë.
Nënat dhe baballarët shpesh ankohen se nuk mund t’ia dalin me kokëfortësinë e fëmijës. Ndërsa nga njëra anë shpesh mund të dëgjosh dhe të lexosh këshilla të ndryshme se si të rrisësh një fëmijë kokëfortë, shumë më pak thuhet për faktin se ndonjëherë prindërit me sjelljen e tyre bëjnë që trashëgimtarët e tyre të jenë të tillë.
- Mungesa e disiplinës
Ekspertët shpesh theksojnë se fëmijët kanë nevojë për rregulla dhe kufij dhe se është e rëndësishme që ata të ndjejnë pasojat e thyerjes së këtyre rregullave dhe kufijve. Nëse nuk ka një gjë të tillë, pra nëse prindërit nuk insistojnë vazhdimisht në respektimin e këtyre kufijve, fëmijët mund të bëhen kokëfortë dhe të fillojnë të testojnë kufijtë.
Kjo mospërputhje në sjelljen e prindërve rezulton që fëmijët ndonjëherë të mos kuptojnë se çfarë pritet saktësisht prej tyre, dhe më pas nënat dhe baballarët e perceptojnë një sjellje të tillë si mosbindje ose kokëfortësi.
- Prindërimi autoritar
Fakti se fëmijët që u rritën me prindër jashtëzakonisht të rreptë dhe nuk kishin absolutisht asnjë liri në marrjen e vendimeve, madje edhe ato të padëmshme, mund të bëhen kokëfortë me kalimin e kohës dhe të rebelohen kundër sjelljeve të tilla të prindërve të tyre.
- Mungesa e rutinës
Fëmijët kanë nevojë për strukturë, rutinë, sepse u jep atyre një ndjenjë sigurie dhe i ndihmon të dinë se çfarë pritet prej tyre. Sigurisht, rutina nuk do të thotë që fëmijët nuk duhet të kenë kohë të lirë, por në përgjithësi u pëlqen të kenë një orar të caktuar sepse në të kundërt mund të ndihen të pasigurt dhe të rebelohen ndaj çdo ndryshimi.
- Mbrojtje e tepruar
Në prindërim, si në shumë gjëra të tjera, më e mira është mesatarja e artë. Kjo do të thotë se ashtu si rreptësia e tepruar në edukim nuk është e mirë për fëmijët, po ashtu nuk është e mirë për ta kur prindërit janë tepër mbrojtës. Mbrojtja e tepërt mund të çojë në kokëfortësi tek të vegjlit pasi prindërit kufizojnë aftësinë e tyre për të eksploruar dhe mësuar nga përvojat e tyre.
- Ndikimi i vendimeve
Fëmijët duhet të ndiejnë se kanë të paktën një kontroll minimale mbi disa vendime që i shqetësojnë. Pra, është e qartë se ata janë shumë të rinj për disa vendime të rëndësishme, por nëse nuk kanë mundësi të vendosin për asgjë, mund të bëhen shumë kokëfortë në mënyrë që të përpiqen t’i marrin gjërat në duart e tyre. Nga ana tjetër, lejimi i fëmijëve në marrjen e disa vendimeve të përshtatshme për moshën e tyre i ndihmon ata të ndihen të vlerësuar dhe redukton shanset që fëmija të bëhet “kokëfortë”./natalmedia.com/
*Materialet dhe informacionet në këtë portal nuk mund të kopjohen, të shtypen, ose të përdoren në çfarëdo forme tjetër për qëllime përfitimi pa miratimin e drejtuesve të “natalmedia”
